Khansala Justina Phiri wa chigawo chakumpoto kwa Chilumba cha Chizumulu ndiyemwe wasankhidwa kukhala Wapampando wa Khonsolo ya Likoma.

Pa chisankho chomwe chachitika Lolemba motsogozedwa ndi bwana mkubwa wa khonsolo ya Likoma Abubakar Nkhoma, a Justina Phiri agonjetsa a Enerst Gulu Banda omwe akhale wachiwiri kwa wapampando wa khonsoloyi.

Pamapeto amasankhowa a Justina alonjeza kuthandizira khonsolo ya Likoma pankhani za chitukuko powonetsetsa kuti ndondomeko zoyenera zikutsatidwa pachuma.

LikomaFM, OnlineNews.