Sukulu ya Likoma Sekondale yalandila galimoto ya tsopano yomwe ikhale ikuchepetsa mavuto a mayendedwe.

Polandila galimotoyi lachinayi m’phunzitsi wamkulu wa pa sukukuyi a Jeremiah Mzumala ati akuthokoza boma kudzera ku nduna yoona za maphunziro a Madalitso Kambauwa Wirima kaamba kokwanilitsa lonjezo lawo.

“anduna azamaphunzilo atabwera pa sukulu yathu mwezi wa epulo chaka chomwechino, tinawadandaulira za vuto la mayendedwe komanso tinawasonyeza galimoto yakale imene tinkakonzetsa pafupipafupi koma simatheka, ndipo kubwera kwa galimoto la tsopanoyi kuchepetsa mavuto ambiri pa sukulu yathu.”

Polankhulapo wapampando wa komiti ya PTA a Anson Putaputa Chirwa anathokoza phungu wa Likoma a Christopher Ashems Songwe poyikapo khama kuti galimotoyi ifike ku Likoma.

“Pakadali pano Budget ichepako kutengela kuti ndalama ina timapeleka kwa akabanza popita kuchipatala ana akadwala, komanso katundu wina tidzithaso kugwiritsa ntchito galimotoyi.” Atero a Putaputa.

LikomaFM,OnlineNews.