Wachiwiri kwa nduna ya zaumoyo yemwenso ndi phungu wa Likoma Islands Constituency olemekezeka a Charles Broomhead Chilambula ati boma ndilodzipereka kupititsa patsogolo ntchito zaumoyo.

Chiletso BisweckFebruary 5, 2026040 views

A Chilambula amalankhula izi lero pamwambo otsegulira chipatala chaching’ono cha YoMa chomwe chamangidwa m’mudzi wa Yofu m’boma la Likoma.

A Chilambula ati chipatalachi chichepetsa imfa ya ana ang’onoang’ono ndi amayi oyembekezera omwe amafuna thandizo lamsanga komanso chithandizila kuchepetsa matenda.

Polankhulapo wamkulu oyang’anila ntchito za umoyo m’bomali Dr Gracewell Mathewe ati kubwera kwa chipatalachi kusintha zambiri pankhani ya zaumoyo.

“Kutengera ndi level yachipatalachi tidzipereka uphungu kwa amayi oyembekezera, kupereka katemera kwa ana, komanso kuthandiza ngati munthu wavulala mwazina”, atero Dr Mathewe.

Nawo mayi Eneless John ochokera m’mudzi wa mfumu Mnyanje omwe ndiwombekezera pakadali pano ati chipatalachi chichepetsa mtunda omwe amayi oyembekezera amakumana nawo akamapita ku sikelo.

Chipatala cha YoMa chamangidwa ndi ndalama zakwana 146 million kwacha ya thumba la Constituency Development Fund, CDF.

LikomaFM,OnlineNews.

Atachita zii kwa zaka zinayi m’modzi mwa oyimba wapa chilumba cha Chizumulu, Memory Pondomali yemwe amatchuka ndi dzina lakuti Nyapondo wati akhala akutulutsa nyimbo yatsopano yomwe akuyitcha “Zani”.

Wapampando oyang’anila chitukuko chadera la kumwera kwa chilumba cha Likoma a Anson Putaputa ati akusowekera maphunziro kuti ayambe kugwira ntchito yawo mwaukadaulo.

Related posts

Wachiwiri kwa nduna yoona za umoyo yemwenso ndi phungu wa Likoma Islands Constituency a Charles Chilambula ati kubwera kwa incinerator m’boma la Likoma kupititsa patsogolo ntchito za umoyo.

‎kutsatila kutsegulira kwa sukulu pa 22 September chaka chino, gulu la achinyamata lochokera kwa a mfumu a Mani m’mudzi wa Mbungo lapeleka makope ndi zolembera kwa ana apasukulu ya mbungo m’boma la Likoma.‎‎

Mulandu wayemwe akumuganizira kuti ndi m’modzi mwawoyendetsa Boat lomwe linachita ngozi ndikupha anthu nkhumi ndi modzi m’mawa wapa 12 April, 2025, m’boma la Likoma wayamba lero.